بیرجه گلایه یازورم ای عوام
بیرقولاق آس گور نه دئیر خوش کلام
هر یانا قویدوم ایشیچین من قدم
سویله دیلر بو نوعنن دم به دم
آشنا واروندی ده گینن بیزلره
تا که مراعات ائلیه ک سیزلره
پارتی واروندی بیل اولوبسان راحات
راست و چپون وئر دالیه شلاق آت
پارتی قالیبدی قالا جاق تا ابد
تا نه قدر یئرده قالوب جنس بد
پارتی مرضدی اوخویوب بیزلره
اوره ک دولوب نفس گلوب دیزلره
رئیس قومون قئچی سی اولدو قلم
پرچم پارتی ائله میشدی علم
سیبری سویوغی شیدتله ویرانه
باسدی کوچورتدی اولری ایرانه
قاصده پیک یوللادیلار قوم پارت
پارسه دئسن دویره وورا قوم ماد
جمله دورون کؤچ گتیرون تا چاتاق
قالماقیمیز فیکرینی باشدن آتاق
نسلی توکولدی داقیلیب ایرانا
هر یانه گئتدی ائله دی ویرانا
پارتی بازی هر یئره اولدی بلا
اداره لر چوخلی اولوپ مبتلا
چوخ دولانیر هی گوروکور رد ایزی
رشوه وران رشوه آلان زیرمیزی
وئرمسون اما اگر حق و حسابون
عرضون ایته ر "یوخدی" گلر جوابون
هر مقامین اوزلوگونه نرخی وار
هر ایشلرین سوموکلوسی جیلخی وار
هر کس ایسته ر آپارسین نه ثوابی ؟
کاش بو وضعی تئز ائده ریشه یابی
یا قورا دوربین مدار بسته نی
یا ائله سین بازنشست خسته نی
یا کی اداراتی لری دویدوره
باخمیانی منصبینی سویدوره
پارتی بازی تکرار اولور بیل بونو
مردم اولوب اداره لر یورقونو
کاش وورولا قانینه غلطان گله
"رعیت رجوع" تابونا بیر جان گله
عضو شوید
عضویت سریع
آمار مطالب
آمار بازدید
